Россия Социаль фондының Татарстан бүлекчәсе махсус хәрби операциядә катнашучыларга 20 дән артык төрдә ярдәм чаралары күрсәтә

Махсус хәрби операциядә катнашучылар өчен социаль ярдәм чараларының шактый өлеше проактив (гариза белән мөрәҗәгать итмичә ) режимда күрсәтелә. Мәсәлән, иминият стажы һәм пенсия коэффициентлары Социаль фондка килгән мәгълүматлар нигезендә автомат рәвештә исәпләнә, ә сугышчан  хәрәкәтләр ветераннарына ай саен түләнә торган пособие гражданарның шәхси мөрәҗәгатеннән башка рәсмиләштерелә.

              Махсус хәрби операциядә катнашучылар өчен пенсия хокукларын формалаштыруның махсус шартлары гамәлдә. Хәрби операциядә булу  вакыты иминият стажына икеләтә күләмдә кертелә - бер ел хезмәт итү ике ел хезмәт стажы итеп исәпләнә. Шул ук вакытта арттырылган  пенсия коэффициентлары  санала: сугышта катнашкан бер ел өчен гадәттәге  1,8 урынына 3,6 коэффициент исәпләнә. Махсус операциядә катнашу вакыты шулай ук  хезмәт стажы өчен картлык буенча вакытыннан алда пенсия билгеләгәндә дә исәпкә алына.

              Сугышчан хәрәкәтләр ветераннарына Татарстан Республикасы  Социаль фонд бүлеге 4 838 сум күләмендә ай саен бирелә торган акчалата түләү билгели. Россия геройларына  бу пособие 103 693 сум тәшкил итә. Ике түләү дә ведомствоара хезмәттәшлек мәгълүматлары нигезендә автомат рәвештә рәсмиләштерелә.

              Хәрби операциядә  җәрәхәт алган хәрби операциядә катнашучылар  ай саен күләме инвалидлык төркеменә бәйле булган акчалата компенсация алырга хокуклы.  Алар шулай ук  реабилитацияләүнең техник чаралары белән аерым программа буенча тәэмин ителә. Кирәкле әйберләр сатып алыр өчен электрон сертификат гариза белән мөрәҗәгать итмичә - медицина-социаль экспертиза учреждениеләре мәгълүматлары нигезендә рәсмиләштерелә.

              Моннан тыш махсус хәрби операциядән демобилизацияләнүчеләр Социаль фонд карамагындагы реабилитация үзәкләрендә медицина тернәкләнүе уза һәм шифаханәләрдә  дәвалана  алалар. Моның өчен сугышчан  хәрәкәтләр ветераны таныклыгы һәм дәвалану кирәклеген раслаучы документлар булырга тиеш. Социаль фонд  бүлеге дәвалану урынына бару һәм кире кайту чыгымнарын каплый.

              "Без махсус хәрби операциядә  катнашучылар һәм аларның гаиләләре  тиешле барлык ярдәм чараларыннан бернинди тоткарлыксыз  файдалана алсын өчен тырышабыз. Күпчелек түләүләр проактив форматта, гариза кабул итмичә генә билгеләнә. Һәркемнең үз хокуклары турында белүе һәм алардан файдалана алуы мөһим", - дип өстәде Татарстан Республикасы буенча Социаль фонд бүлеге идарәчесе Эдуард Вафин.

             Реабилитация үзәкләрендә дәвалану өчен гаризаны Татарстан Республикасы буенча Социаль   фонд  бүлегенең теләсә нинди клиент хезмәтендә яки "Дәүләт хезмәтләре" порталы аша  бирергә мөмкин.

             Социаль ярдәм чаралары, түләүләр һәм Россия Социаль фондының Татарстан Республикасы  бүлеге хезмәтләре  турында тулы һәм дөрес мәгълүматны СФР сайтында һәм социаль челтәрләрдәге MAX, ВКонтакте, Одноклассники һәм Телеграм рәсми аккаунтларда табарга мөмкин.

              Өстәмә мәгълүмат яки консультация алу өчен гражданнар 8 800 100 0001 номеры буенча бердәм контакт-үзәк операторларына мөрәҗәгать итә ала  (төбәк линиясе тәүлек буе эшли - 24/7, шалтырату бушлай).

Татарстан Республикасында 13 меңнән артык үзмәшгуль булачак пенсияләрен иминият кертемнәрен түләп барып формалаштыра

 Взносларны  түләү ирекле хокук мөнәсәбәтләрендә катнашучыларга иминият стажын һәм индивидуаль пенсия коэффициентларын формалаштырырга мөмкинлек бирә, аларны Татарстан Республикасы буенча Россия Социаль фонды бүлеге автомат рәвештә шәхси счетларда исәпкә ала.

        Кертем күләмен катнашучылар мөстәкыйль сайлый. 2026 елда минималь еллык взнос 71 525 сум тәшкил итә - бу бер ел иминият стажы һәм 1,9 индивидуаль пенсия коэффициенты (ИПК) алырга мөмкинлек бирәчәк. Максималь взнос - 572 204 сум, аны түләгән очракта, шәхси хисапта бер ел стаж һәм 8,72 ИПК исәпкә алыначак.

        Взносларны ай саен түләп барырга  да, елга бер тапкыр күчерергә дә була. Иң мөһиме - акча 31 декабрьгә кадәр кереп  җитсен. Татарстан буенча Россия Пенсия фонды бүлеге үзмәшгульләрнең индивидуаль счетларына стаж һәм коэффициентларны автомат рәвештә исәпкә ала.

       "Үзмәшгульләр үзләренең булачак пенсияләре турында мөстәкыйль рәвештә кайгырта ала. Ирекле иминиятләштерү аларга  гадәти найм буенча эшләгәндәге кебек үк иминият стажын һәм пенсия коэффициентларын тупларга мөмкинлек бирә. Без автомат рәвештә шәхси счетлардагы барлык кертемнәрне исәпкә алабыз һәм гражданнарга дөрес вариантны сайларга ярдәм итәбез», - дип билгеләп үтте Татарстан Республикасы буенча Социаль фонд бүлеге идарәчесе Эдуард Вафин.

         Мәҗбүри пенсия иминиятләштерүе буенча хокук мөнәсәбәтләренә ирекле керү турында гаризаны «Мой налог» мобиль кушымтасы аша, «Дәүләт хезмәтләре» порталында яисә Татарстан Республикасы буенча Социаль фонд бүлегенең теләсә кайсы клиент хезмәтендә тапшырырга мөмкин.

          Иминият пенсиясе билгеләү хокукы алу өчен картлык буенча пенсия яшенә җитәргә (2026 елда - ир-атлар өчен 65 яшь, хатын-кызлар өчен 60 яшь), кимендә 15 ел стаж һәм аз дигәндә 30 индивидуаль пенсия коэффициенты тупларга кирәк. Әлеге шартлар  үтәлмәгән очракта  билгеләнгән пенсия яшеннән биш елга соңрак социаль пенсия билгеләнә .

         Социаль ярдәм чаралары, түләүләр һәм Россия Социаль фондының Татарстан Республикасы  бүлеге хезмәтләре  турында тулы һәм дөрес мәгълүматны СФР сайтында һәм социаль челтәрләрдәге MAX, ВКонтакте, Одноклассники һәм Телеграм рәсми аккаунтларда табарга мөмкин.

          Өстәмә мәгълүмат яки консультация алу өчен гражданнар 8 800 100 0001 номеры буенча бердәм контакт-үзәк операторларына мөрәҗәгать итә ала  (төбәк линиясе тәүлек буе эшли - 24/7, шалтырату бушлай).

Татарстан Республикасы буенча Социаль фонд бүлеге хезмәткәрләре MAX мессенджерында 25 меңнән артык кешегә цифрлы ID урнаштырырга ярдәм итте

Цифрлы идентификаторны тоташтыру мөмкинлеге 2025 елның сентябрендә үк барлыкка килде. Шушы вакыт эчендә аннан Россия Социаль фондының Татарстан Республикасы  бүлегенең 25 000 клиенты файдалана алды. Аларның 13 меңгә якыны - пенсия яшендәге кешеләр, 4 меңгә якыны - инвалидлыгы булган гражданнар һәм тагын шуның кадәр үк - күп балалы ата-аналар.

          Социаль фондның төбәк бүлеге хезмәткәрләре республика халкына яңа сервисны үзләштерергә ярдәм итә, аның белән эш итәргә өйрәтә. Консультацияләр гадәти клиент офисларында да, өлкән буын вәкилләренең  махсус аралашу үзәкләрендә дә уза. Белгечләр MAX һәм "Дәүләт хезмәте" кушымталарын  яңарту, шулай ук цифрлы профильне  урнаштыру тәртибен аңлаталар.

            Бүгенге көнгә 42 меңнән артык шәхси консультация үткәрелгән. Фонд хезмәткәрләренең турыдан-туры ярдәме белән 25 меңнән артык цифрлы профиль булдырылган.

           Пенсия  яшендәгеләр өчен Өлкән буын вәкилләренең аралашу үзәкләрендә  цифрлы грамоталылык дәресләре оештырылган. Укулар ике этапта уза. Башта катнашучылар лекция тыңлыйлар, анда электрон документның төп өстенлекләре- аның тулы юридик көчкә ия булуы, кеше турында барлык мәгълүматны (ФИО, туу датасы, СНИЛС, пенсиянең төре һәм билгеләнү вакыты) үз эченә алуы һәм, кәгазь варианттан аермалы буларак, аны югалтып булмавы,  үзең белән йөртергә кирәкмәве – мәгълүматларның  һәрвакыт телефонда булуы турында беләләр.

            Аннары остазлар җитәкчелегендә алар "Дәүләт хезмәте" порталына керәләр, документлар бүлеген табалар, электрон таныклык ачалар һәм  QR-код формалаштырырга өйрәнәләр.

        "MAX мессенджерындагы цифрлы профиль - безнең гражданнар куллана ала торган  уңайлы сервиска ышанычлы адым ул. Күргәнебезчә, татарстанлылар, бигрәк тә өлкән буын вәкилләре, яңа мөмкинлекләр белән актив кызыксыналар. Республикада яшәүче 25 меңнән артык кеше электрон таныклыкның өстенлекләрен бәяләде инде: аны югалтып булмый, ул һәрвакыт кул астындагы смартфонда һәм тулы юридик көчкә ия. Безнең бурыч - хезмәтләрдән файдалану  уңайлырак һәм гадирәк булсын өчен гражданнарга яңалыкларны куллану тәртибен аңлату,  үзләштерергә ярдәм итү», - дип өстәде Татарстан Республикасы буенча Социаль фонд бүлеге идарәчесе Эдуард Вафин.

         Социаль ярдәм чаралары, түләүләр һәм Россия Социаль фонды Татарстан Республикасы бүлегенең хезмәтләре турында тулы һәм дөрес мәгълүматны СФР сайтында һәм социаль челтәрләрдәге MAX, ВКонтакте, Одноклассники һәм Телеграм рәсми аккаунтларда табарга мөмкин.

          Өстәмә мәгълүмат яки консультация алу өчен гражданнар- 8 800 100 0001 телефон номеры буенча бердәм контакт-үзәк операторларына мөрәҗәгать итә ала (төбәк линиясе тәүлек әйләнәсе  эшли).

9 майда Багай авыл җирлегендә Бөек Ватан сугышында Җиңүнең 81 еллыгына багышланган тантаналы митинглар узды

9 майда Багай авыл җирлегендә Бөек Ватан сугышында Җиңүнең 81 еллыгына багышланган тантаналы митинглар узды. Авыл халкы, мәктәп укучылары һәм ветераннар һәлак булган геройларны искә алу һәм Җиңүчеләр буынына рәхмәт белдерү өчен мемориаллар янына җыелдылар.

Митинглар бер минут тынлык белән башланып китте. Һәйкәлләргә чәчәкләр һәм веноклар салынды. Котлау сүзләре белән авыл җирлеге башлыгы чыгыш ясады . Анда Мәскәүдән килгән кунаклар да бар иде.

Митинг тәмамлангач, җыелганнарның барысын да солдат боткасы белән сыйладылар.

    Өмә   

Җиңү көне алдыннан Багай авыл җирлеге, мәктәп, балалар бакчасы, мәдәният, ФАП хезмәткәрләре һәйкәл янындагы территорияне тәртипкә китерделәр.

Багай авыл җирлегендә бюджет хезмәткәрләре баганаларны агартуга чыктылар.

Бүген Багай авыл җирлеге территориясендә өмә узды, анда бюджет хезмәткәрләре катнашты. Багай, Араслан, Салтыган авыллары юллары буендагы баганаларны агарттылар

Торак пункт территорияләрен төзекләндерү буенча икеайлык башланды.

2026 елның 1 апреленнән 31 маена кадәр Багай авыл җирлеге территориясендә торак пункт территорияләрен чистарту буенча санитар-экологик икеайлык игълан ителде. Бюджет учреждениеләре хезмәткәрләре территорияләрне чистартуга чыктылар..

Россия Социаль фондының Татарстан Республикасы буенча бүлеге төбәк халкына федераль социаль өстәмә түләүне дәвам итә

Татарстан Республикасында эшләмәүче пенсионерлар,  айлык керемнәре пенсионерның яшәү минимумыннан кимрәк булса, социаль өстәмә түләү ала. 2026 елда бу минимум төбәктә 13 844 сум тәшкил итә. Хәзер Татарстанда өстәмә түләүнең уртача күләме - 3 611 сум.

          Өстәмә түләү алуга хокукны билгеләгәндә пенсионерга билгеләнгән түләүләр исәпкә алына: пенсия, пенсия тупланмаларыннан вакытлы түләүләр, айлык акчалата түләү һәм социаль хезмәтләр җыелмасының бәясе, шулай ук коммуналь хезмәтләргә, телефонга һәм транспортка чыгымнарның компенсаөияләрен кертеп, акчалата  социаль ярдәм чаралары. Бары тик натураль рәвештә генә бирелә торган ташламалар исәпкә алынмый. Әгәр җыелма керем пенсионерның төбәк яшәү минимумыннан түбәнрәк булса, Россиянең социаль фонды өстәмә түләүне мөрәҗәгәтсез тәртиптә рәвештә билгели.

          “Әгәр дә түләүләрне индексацияләү күләме узган ел белән чагыштырганда түбәнрәк булса, элек ирешелгән матди тәэмин ителешне саклап калу максатларында, социаль өстәмә исәпләгәндә пенсионерга индексация түләүне узган ел дәрәҗәсенә җиткерәләр. Ягъни, пенсия һәм ЕДВ индексациясе суммалары пенсионерның яшәү минимумыннан тыш түләнә һәм әгәр бу суммалар индексацияләүгә кадәр түләнә торган суммалардан (пенсияләр, ЕДВ) кимрәк булса, аларның аермасы социаль өстәмә күләмгә кертелә һәм киләсе ел индексациясе датасына кадәр түләнә", - дип билгеләде Россия Софиаль фондының Татарстан Республикасы буенча бүлеге идарәчесе Эдуард Вафин. 

         Социаль ярдәм, түләүләр һәм хезмәт күрсәтү чаралары турында тулы һәм дөрес мәгълүматны Россия        Социаль фондының Татарстан Республикасы буенча бүлеге сайтында һәм социаль челтәрләрдәге ВКонтакте, Одноклассники һәм Телеграм рәсми аккаунтларда табарга була.            Өстәмә мәгълүмат яки консультация алу өчен гражданнар  8 800 100 0001 телефоны буенча бердәм контакт-үзәк операторларына мөрәҗәгать итә ала (төбәк линиясе тәүлек буе эшли - 24/7, шалтырату бушлай).

2026 елның 1 апреленнән Татарстан Республикасы буенча СФР бүлеге төбәкнең 85,7 меңнән артык кешесенең дәүләт пенсия тәэминаты буенча пенсиясен 6,8 % индексацияләде

Татарстан Республикасының социаль фонды дәүләт тәэминаты буенча пенсияләрне, шул исәптән социаль пенсияләрне дә кертеп, проактив рәвештә арттырачак; алар ел саен апрельдә индексацияләнә. Татарстанлыларга моның өчен беркая да мөрәҗәгать итәргә яки гариза бирергә кирәкми. Өстәмә түләүләр гадәти китерү графигы буенча керәчәк. Индексация дәрәҗәсе узган ел өчен пенсионерның яшәү минимумы үсешеннән чыгып билгеләнгән һәм 6,8% тәшкил итәчәк.

           "Индексацияне автоматлаштыру кеше факторын һәм клиент хезмәтләрендәге чиратны төшерүгә мөмкинлек бирде. Хәзер йөзләгән мең перерасчет санаулы көннәрдә үзәкләштерелгән тәртиптә башкарыла. Бу безнең дә, пенсионерларның да ресурсларын бик зур экономияләү. Шул ук вакытта түләүләрнең төгәллеге абсолют булып кала, ә түләүләрне алу сроклары үзгәрешсез кала», - дип ассызыклады Татарстан Республикасы буенча ОСФР идарәчесе Эдуард Вафин.

          Апрельдә индексация узачак күпчелек пенсионерларга түләүләр инвалидлык һәм туендыручысын югалтуга бәйле рәвештә билгеләнгән. Моннан тыш, Бөек Ватан сугышында катнашучыларның һәм "Блокададагы Ленинградта яшәүчегә" билгесе, "Камалган Севастополь кешесе" билгесе һәм "Камалган Сталинград кешесе" билгесе белән бүләкләнүчеләрнең пенсияләре индексацияләнәчәк. Арттыру шулай ук хәрби хезмәткә алынган хәрбиләргә, радиация йогынтысына дучар булган гражданнарга, очучы-сынаучыларга һәм пенсионерларның кайбер башка категорияләренә кагыла.

        Индексация нәтиҗәсендә дәүләт пенсия тәэминаты буенча пенсиянең уртача күләме мең сумнан артыкка артачак һәм 16,1 мең сум тәшкил итәчәк. Инвалид балаларга социаль пенсиянең уртача күләме 1,4 мең сумга, 22,6 мең сумга кадәр артачак. Балачактан беренче

төркем инвалидларның айлык пенсиясе 1,4 мең сумга артачак һәм 22,6 мең сум тәшкил итәчәк. Һәр алучының өстәмә күләме пенсиянең индивидуаль күләменә бәйле булачак.

          Индексацияләнгән түләүләр пенсионерларга апрельдә гадәти китерү графигы буенча киләчәк.

          1 апрельдән республиканың социаль фонды шулай ук 80 яшькә җиткән пенсионерларны һәм беренче төркем инвалидларны тәрбияләү буенча түләүне арттырачак. Индексациядән соң түләүләр күләме 1,5 мең сумга кадәр артачак. Социаль фонд кеше карау буенча пенсиягә өстәмә түләүне автомат рәвештә рәсмиләштерә һәм шулай ук аны автомат рәвештә индексация барышында күтәрә. Пенсионерлар яки аларны караучы затлар тарафыннан бернинди өстәмә гамәлләр таләп ителми.

           Социаль ярдәм, түләү һәм хезмәт күрсәтү чаралары турында СФР сайтында һәм социаль челтәрләрдәге рәсми аккаунтларда: MAX, ВКонтакте, Одноклассники и Телеграм да табарга мөмкин. Өстәмә мәгълүмат яки консультация алу өчен гражданнар бердәм контакт-үзәк операторларына мөрәҗәгать итә ала - 8 800 100 0001 (төбәк линиясе тәүлек буе эшли - 24/7, шалтырату бушлай).

QR-кодлы электрон пенсия таныклыклары инновацион система буларак Татарстан пенсионерларының тормышын җиңеләйтә

Электрон пенсия таныклыгы - традицион пластик таныклыкның, белешмә яки пенсия кенәгәсенең заманча цифрлы аналогы ул. Яңа формат пенсионерларга пенсия билгеләнгәнлекне  кәгазь документлар күрсәтеп тормыйча гына электрон рәвештә расларга  мөмкинлек бирә.

         Электрон таныклыкта аның хуҗасы турында төп мәгълүмат: фамилиясе, исеме, атасының исеме, шәхси исәп номеры, пенсия төре, аның билгеләнү срогы һәм пенсионерның фотосурәте бар. Барлык мәгълүматлар Россия социаль фондының саклаулы  мәгълүмат системасында саклана.

          Документны "Дәүләт хезмәтләре" порталында һәм мобиль кушымтада шәхси кабинетта алырга мөмкин. Кулланучыларга уңайлы булсын өчен таныклыкка автомат рәвештә социаль фонд мәгълүматлары нигезендә формалаша торган уникаль QR-код кушылган.

          QR-код аның хуҗасы турындагы мәгълүматның дөреслеген тиз арада расларга мөмкинлек бирә. Һәр код уникаль һәм ялганнан сакланган, бу шәхси мәгълүматларның өстәмә куркынычсызлыгын тәэмин итә. QR-кодның гамәлдә булу вакыты чикләнгән, шуңа күрә аны вакыт-вакыт яңартып торырга кирәк.

           Россия Социаль фондының Татарстан Республикасы буенча бүлеге идарәчесе Эдуард Вафин сүзләренчә, цифрлы форматны кертү гражданнарның дәүләт структуралары белән үзара хезмәттәшлегенең уңайлылыгын һәм куркынычсызлыгын арттыра:

           "Электрон пенсия таныклыгы - кәгазь документны электрон вариантка алмаштыру гына түгел, ә сервисның яңа дәрәҗәсе ул. Ул гражданнарга һәрвакыт  үз статусын раслау мөмкинлеге бирә һәм хезмәт күрсәтүләргә һәм социаль ярдәм чараларына керүне

гадиләштерә. Цифрлы формат мәгълүматны ышанычлы яклауны тәэмин итә һәм кулланучылар өчен хезмәтләрдән  максималь уңайлы файдаланырга мөмкинлек бирә ".

            Электрон пенсия таныклыгын кулланышка кертү дәүләт хезмәтләреннән файдалануны гадиләштерүгә, үтә күренмәлелекне арттыруга һәм кәгазьсез документлар әйләнешен үстерүгә юнәлдерелгән.

            Социаль ярдәм, түләүләр һәм хезмәт күрсәтү чаралары турында тулы һәм дөрес мәгълүматны Россия Социаль фондының Татарстан Республикасы буенча бүлеге сайтында һәм социаль челтәрләрдәге ВКонтакте, Одноклассники һәм Телеграм рәсми аккаунтларда табарга була.

            Өстәмә мәгълүмат яки консультация алу өчен гражданнар  8 800 100 0001 телефоны буенча бердәм контакт-үзәк операторларына мөрәҗәгать итә ала (төбәк линиясе тәүлек буе эшли - 24/7, шалтырату бушлай).